اجابات جميلة يا منجستو

س/ انت عمال تقول ادعيلى ربنا يهديك دة بايدك يا حبى ولو مش بايدك يبقا ضعيف ؟

مش قادر ترجع للصلاة لية اية السبب كسل ؟.

بطل اللى بتشربة وانت تتعدل ههههههههههههههههههههه ؟

عملت اية السنة دية فى النتيجة يا احمد ؟7819418778194187

لية مش عاوز تكون صداقات فى الكلية بتاعتك ؟



ههههههههههههههههههه

رجعنا تانى ونقول صباح الخير

M FaRaG كتب:

41ايه رايك بصراحه فى كل اللى تعرفهم على المنتدى؟
و كل واحد بيمثل لك ايه؟
يا عم حرام عليك عايزنى احطلك أسامى كل الى موجودين هنا واعرفهم واقولك كل واحد راى فية اية هو انت عايزنى اغير كام كيبورد فى الحلقة دية على العموم كلهم كويسين أرحم يا محمد الرحمة حلوة ومسيرك تقع تحت ايدى

تقدر تقلنا
42مين الطف شخصية قبلتها هنا في المنتدي؟؟
أممممممممم كتير والله بس كلهم بنات طبعا

43ايه اكتر اغنية اثرت فيك؟؟؟؟؟؟؟
أغنية المراية لشيرين عبد الوهاب

44ياتري في شخص بتقله كل اللي جواك (صديق او حبيب) ولا مافيش؟؟؟؟؟
تؤتؤ البحر والنيل بس هو الى يعرف كل حاجة عنى

45ماذا تمثل لك مصر؟؟؟؟؟؟
ههههههههههههههه مكان أتولدت فية وعايش فية للاسف وشكلى كدة هموت فية بردة

46ياتري عمرك خرجت بره مصر؟؟؟؟؟؟
أة روحت السعودية مرتين وسويسرا مرة ودبى مرة بس رحلة دبى كانت قصيرة قوى يعتبر قعدت فى المدينة نفسها مش اكتر من 48 ساعة

47وايه اخر مرة رحت فيها الملاهي؟؟؟؟؟
2006 تقريبا بس كنت رايح افسح ناس لكن انا مش بحب الملاهى

48ومين بتحبه هنا اوي ويرجي يكون واحد فقط؟؟؟؟
عشتار

49مين بتحب يكون معاك باستمرار خارج المنتدي طبعا سواء صديق او اخ او حبيب؟؟؟؟
صديق ليا اسمة حسن

50اخر مرة اتخنقت فييها امته؟؟؟؟
أخر يوم أمتحان عندى شديت شوية مع المعيد الى فى اللجنة

51مين الشخصية اللي بتاثر فيك علي مستوي الشهرة؟؟؟
ابو تريكة بجد لاعب محصلش واخلاقة عالية جدا

52لو رحت الامتحان ولقيته خلص هتعمل ايه؟؟؟؟
هرجع تانى

53ولو متعود ان واحد بيغشغشك علي طول ومغششكش المرة دي هتعمل فيه ايه بعد الامتحان؟؟
والله يا صاحبى انا مش بعرف اغش خالص فى الامتحنات يعنى السؤال دة مش بينطبق عليا لانى مش بحب حد ملوش لازمة يجى يقولى كلمتين

54لو تحب تقابل واحد مشهور بره مصر هتقابل مين؟؟؟
بيل جيتس & ولو لسة ربنا مهدنيش يبقى كاترين زيتا جونس كمان

55 قوللنا تاريخ ميلادك بالظبط ؟؟
أية يا عم هتعملى بطاقة 15 / 1 / 1988

56مين أعز انسان عليك في الحياة الي ممكن تفديه بحياتك ؟؟
حبيبتى ولغاية دلوقتى لو طلبت عينى هدهالها المهم تكون مبسوطة

57ايه هيا مميزاتك و عيوبك بكل أمانة ؟؟
ههههههههههههههههههه بص مفيش حد بيقدر يقول مميزاتة ما يشكر فى نفسة غير الشيطان أنا هقولك عيوبى الى انا شايفها ساعات بكون عصبى & مش ببص لمستقبلى كويس & طلاما كرهت حاجة مش بعرف أستمر فيها حتى لو كانت هى مستقبلى & أممممممم حاجات تانية كتير شخصية المهم انتوا الى تحددوا أية العيوب واية المميزات

58/عمرك عملت معصية او اي حاجة ندمان عليها و لو عملت ايه هيا ؟؟
أعزرنى مش هقدر اجاوب

59عمرك عقيت حد من والديكي و لو بكلمة ( أف ) ؟؟
أكيد فى لحظات بتكون فيها نرفزة بس دة كان زمان الواحد كان صغير ومش فاهم حاجة لكن الحمد لله والدتى توفت وهى راضية عنى وبتدعيلى ووالدى بردة راضى عنى حاليا ربنا يخلية

60ايه أكتر 3 صفات بتحبها في الناس و أكتر 3 صفات بتكرهها في الناس ؟؟
الحنان والرحمة والتفائل * الكدب والخيانة والصوت العالى

61/ايه مواصفات عروسة المستقبل؟
نكون متفاهمين ومرتاحين مع بعض

اصبر مستعجل على ايه ده انا هشلك
هو انا لسة متشلتش

62عمرك حبيت قبل كدا احكيلنا بالظبط و كام واحدة و هل الحب دا مستمر و لا خلاص ؟؟
حبيت مرة واحدة وبعد تلات سنين من التعارف وكدة تم الارتباط رسمى وبعد سنة تم الانفصال ولغاية دلوقتى قلبى مدقش بعدها (ربنا يوفقها فى حياتها)

63ايه أكلتك المفضلة ؟؟
بيتزا ولازنيا

64ايه الحاجة الي فيك عامة سواء مظهرك الخارجي أو الداخلي الي نفسك تتغير؟؟
لا يا عم انا تمام قوى الحمد لله مش عايز اغير حاجة هى حاجة واحدة بس الى محتاجة تغيير حاليا صوابع أيديا لانها تعبت من الرد على اسئلتك الطويلة

65كان نفسك يبقى ليك أخوات و لا لأ و لو كان نفسك كنت عايز تبقوا كام ولد و كام بنت و انت ترتيبك الكام بينهم ؟؟
أنا فعلا ليا 4 اخوات وانا اصغر واحد فيهم

66_ايه الصفات الي في باباك و ماماتك كان نفسك ماتبقاش فيهم ؟؟
لا يا عم كلهم تمام انا بتشرف ان دول اهلى مفيهومش اى حاجة عايزة تتعدل

67_نفسك تعمل ايه في المستقبل ؟؟
أنام

68_عايز تعيش لحد ما يبقى عندك كام سنة ؟؟
مش فارقة الى كاتبة ربنا هو الى هيكون وكمان هو الواحد عايش لية اصلا ما أنهاردة زى أمبارح وزى بكرة مش هتفرق مفيش جديد

69_ لما تتعرض لموقف محرج بتعمل ايه ؟؟
بعمل عبيط

70_لو قالولك اختار زمن تتولد فيه هتختار ايه و ليه ؟؟
زمن الفراعنة اصل بيقولوا ان كليوباترا كانت جميلة قوى فعايز اتاكد

71_ايه رائيك في الحجاب و النقاب و التدين بصفة عامة ؟؟
البنت تعمل الى هى عايزاة عايزة تلبس حجاب تلبس عايزة تلبس نقاب تلبس لكن أهم حاجة تلبس لبس طبيعى وحلو ومحترم أنا اكتر الى اعرفهم بدون حجاب وفى نفس الوقت محترمين جدا والبت منهم بمية راجل وفى نفس الوقت اعرف ناس محجبة ولبسها اوفر جدا . الحجاب والنقاب اصبح مش هو المقياس لطهر الفتاة وعفتها وان الواحدة يطلق عليها محترمة بسبب انها مغطية شعرها طيب ما هى مغطية شعرها ومبينة حاجات تانية يبقى دة أسمة حجاب أمممممممممممم معتقدش أنا مع حرية الفتاة فى اختيار لبسها اهم حاجة يكون لبسها دة محترم

72_ايه امنياتك في الحياة؟؟
مفيش حاليا

73_ايه أسباب حبك للإنسان الجميل و الفنان الحساس تامر حسني و من امتى حبتيه اوي و ايه اكتر اغنية بتحبهالو ؟؟
حبتيه أنت رجعت حولتنى منال لية ما أنت كنت ماشى كويس على فكرة انا مش بحب تيمو خالص بحب اسمع لية بعض الاغانى اة لكن مش بحبة كشخصية

و أخييييييييييييييييييييييييييييييييييييييييرا
انت راضي عن نفسك بنسبة كام ؟؟
0 %

اي خناقة يا برنس عشان متقلش محمد حرمني من حاجة
ربنا يكرمك يا محمد بجد زى ما كرم السادات وزى كرم جابر

M FaRaG كتب:

معلش يا شباب اصل انا زهقت اللى انتو كل شويه تحطوها ومفيش جديد وكله ناقل
من مواضيع قديمه
انا قولت اجيب كام سؤال جديد علشان الملل ميدخلش اللعبه بقى هههههههههههههه

يا عم وانت علشان تثبتلة أنك بتعرف ترخم تقوم ترخم عليا انا ما ترخم علية هو

س1/إذا كانت الخضار والفاكهة تفيد في تخسيس الوزن ، فلماذا لم يستفد الفيل منها ؟
روح يا عم اى بارك واسئلة أنت جاى بتسئلنى انا لية فاكرنى دكتور بطرى

س2لماذا الصمغ الشديد الفعالية لا يلتصق بالأنبوب الذي يحتويه ؟
بيتهيقلى علشان الانبوبة من جوة مفيهاش هوا لان الهوا هو الى بيخلى الصمغ ينشف + دية قريتها على منتدى (أن الانبوب من جوة بيدهن بمادة بتخلى الصمع ميلصقش فيها)

س4/نسمع كثيراً عن سرعة الضوء ، طيب كم تبلغ سرعة الظلمة ؟؟
اية يا عم درس الفيزيا دة سرعة الظلمة هى هى سرعة الضوء على ما اعتقد

س5/لماذا لا يصنعون طعام القطط بنكهة الفئران ؟
أستغفر الله العظيم والله كنت بشرب شاى قرفت وركنت الكوباية اية يا عم الاسئلة دية فار لما يخش فى هدومك يا رب
مش هجاوب

س6/لماذا يعقمون الإبرة السامة لقتل المحكوم عليهم بالإعدام ؟؟؟؟ فعلاً لماذا
يعنى هيكون موت ومرض كمان افرض الابرة كانت ملوثة والراجل بعد ما خدها ومات تعب وجالة مرض مين بقى الى هيعالجة الهياكل العظمية الى معاة تحت

س7/لماذا كان الطيارون الانتحاريون اليابانيون ( الكاميكاز ) يرتدون خوذة واقية ؟؟؟ بما انهم منتحرون؟؟
والله مقبلتش حد منهم بس اوعدك لو قابلت حد منهم اكيد هسئلهم

س8/إذا كان السوبرماركت يفتح لمدة أربعا وعشرين ساعة في اليوم لمدة عامٍ كامل ، فلماذا وضعت عليه الأبواب والأقفال ؟؟
علشان لما يتنيل يموت أبو صاحب السوبر ماركت يحطوا لافتة مكتوب عليها مغلق للوفاة

س9 / اذا كنت ماشى مع الموزة ولقيت لجنة وفيها واحد عارف انك مش خاطب حتعمل ايه ؟؟؟ متقولش انك حتجرى وتسبها قول الحل الصحيح ؟؟؟
الحمد لله يا صاحبى مفيش دكر أتولد لغاية دلوقتى فى اى مكان ممكن يهزنى + يا صاحبى الحمد لله السلطة الى ماسكها عيلتى على اكبر مستوى تخلينى احط جزمتى على اجدع دماغ ظابط فى اجدع لجنة

س10 / كنت بتحب موزة وعارفها من زمان وعمال تحكى لكل اصدقائك عن اللى بتعملوة معاها ( قصدى العادى بتخرج وتتفسح )
وأتى يوم لقيت شخص اتعرفت علية وقعدت تحكلى له عن غراميتك وهو يحكيلك ؟!! المهم طلع الشخص دة اخوها وعرف انك بتتكلم عن اختة
ما هو ردك ؟؟؟؟؟
هو اصلا مش اخلاقى انى اقعد اسيح لاى واحدة أتنيلت معاها أو احكى بطولاتى فللاسف مش هقدر اجاوب على سؤال متصورش نفسى محطوط جواة

M FaRaG كتب:

وهرجع تاااااااااااااااااااااااااااااااااااااااااااااااااااااااااااانى

يارب جهازك يولع قبل ما ترجع

M FaRaG كتب:

احمد اجابات دبلوماسيه فى اسئلى مش عايز والا................
انت عارف كويس ايه اللى هيحصل ههههههههههههههههه

ههههههههههههههه لا يا عم مش تقلق أنا الى فى قلبى على لسانى

Moon lover كتب:

فى ايه ياد انت
انا مش بنقل نهاااااااااااااااااااااااااااااااائى
بس انا بسخن وهدخل ع التقيل
بس انا مش راضيه ارعبه وادى له حاجه جامده لان معرفتى بيه لسه جديده
اتقــــــــــــــــــــــل عليا يا احمد
هوصل لك بالتقيل لما تخلص اسئله محمد

ربنا يستر

فى انتظارك

دة على أساس ان الاسئلة دية انت الى بتجاوب عليها وانت الى ايدك وجعتك طيب أدفع بقى حساب الكيبورد الى هيتغير يا عم حرام عليك هم ناقصين توصية دة كفاية عم فرج متوصى بيا على الاخر وعمل الواجب وزيادة

شموس كتب:

وقال ايه الاسئلة بتاعتنا منقووله

قولتش حاجة انا

M FaRaG كتب:

ههههههههههههههههههههههههههههه
والله يا ابو حميد انت زى العسل
لا متخافش مش هقولك وراكى وخشى بعد كده وهشيل حرف الياء
ههههههههههههههههههههههههههه

واجاباتك صريحه اوى

طيب الحمد لله يا عم لحسن كنت خلاص قربت اصدق هههههههههههههههههههههه

شكرا يا قمر على اسئلتك بس متعملش كدة تانى أنت حاطط لوحدك اكتر من 300 سؤال

Digit@l كتب:

منور على الكرسى

معلش مشغول جدا حتى مش عارف اكتب سؤالين

افضى بس من الشغل وهاجبلك شوية اسئلة تمام

تحياتى ولى عودة

الله يخليك يا جميل دة نورك

لا ولا يهمك خلص بس انت شغلك وانا مستنيك

ابراهيم كتب:

شو هاد يا فرج 70 سؤال حراام
ههههههه
رد على اسئلتي

الحمد لله فى حد حس بيا

S7ERIF كتب:

اقتباس :

ماشى يا قمر منور انت وأسئلتك

ربنا يسامحك انا مش هرد عليك
انا هسيب الادارة هى الى ترد عليك

ههههههههههههههههههههههه ماشى يا قمر

S7ERIF كتب:

هههههههههه
الرد اكرر 3 مرات

S7ERIF كتب:

ياجماعه ينفع نسأل تانى
انا فى كام 100 سؤال كدة بفكر فيهم

لا حاول متفكرش ولا تتعب عقلك هم قايمين بالواجب