زعلت على فكره من كل اللى طبق الكلام اللى قولته
المره اللى فاتت فى موضوع المعاكسه ومحدش ولا عبرنى حتى برقم تليفون بنت خالتها مثلا
او خالتها حتى
عموما المره ديه معانا بعد ما عاكست ازاى تظبطها
ايوه يا عم مهو مش انا اعلمك ازاى تعاكس وبعدين هخليك تغرق يعنى
لا هخليك تظبط البنت على دماغك بس على الله يطمر فيكو
وحد يجيبلى رقم التليفون بقى
بصو يا معلمين
بسم الله الرحمن الرحيم نبتدى الدرس بقى
اكتر حاجة البنت تحبها انك تقولها بحبك .. دى اكتر حاجة بتاثر فيها يعنى مش تقول مانا قلتهالها
من يومين ... لا .. على قد ماتقدر قولهالها لو كل يوم قولهالها
تانى حاجة .. هتستغرب منها شوية بس معظم البنات بيحبوها وهى انك تبقى مجنون معاها .. مش بتشد فى شعرك يعنى
قصدى
انها تعيش معاك لحظة مجنونة .. زى احمد السقا فى افريكانو لما رمى نفسه
وقالها بحبك .. اهه ده اللى انا قصدى عليه .. وياسلام لو مكان اعلى بقى ..
ومفيش ميه
تالت حاجة .. واللى معظمكوا بيغلط فيها .. اوعى
تكلمها وانت واقف مع صحابك لان ده اوقات بيضايقها لانها ممكن تكون عايزة
كلامكو سر بينكم هى طبعا مش مبطلة حكاوى عنك ..
ومفهماهم انها ماشية مع سوبر مان ..
بس برده مافيش بنت بتحب كلامها معاك يوصل للشباب بالذات .. خلى بالك
رابع حاجة .. انت كنت لسة مقابلها ولسة سايباك مافيش 10 دقايق كلمها قلها وحشتينى هاموت واشوفك
.. مع انك طبعا ما صدقت سبتها .. بس برده كلمها
خامس
حاجة ..وانت بتكلمها اوعى تنزل عينك من على عينها هى هتبقى هتموت من
الكسوف اكيد بس برده تنح وخليك باصص لعنيها وهى بتكلمك وانت بتكلمها
سادس حاجة .. حاول لو فى حاجة اول واحدة تاخد رايها هى علشان تحس باهتمامك بيها وان رايها يهمك
سابع حاجة .. اى بنت بتحب اللى بتحبه يكون بيغير عليها .. بس مش الغيرة اللى تخنق .. حسسها انك بتغيرعليها ..
يعنى هتخرج قولها متتاخريش .. وقفت كلمت حد من زمايلها فى الكلية قلها متزوديش فى كلامك معاهم ..
كده .. حسسها انك خايف عليها و مش بتطيق ان حد يبصلها .. مع انك عارف ان مفيش حد هيطيق يبصلها غيرك
تامن حاجة ..لو زعلت منك وانت غلطان اوعى تسكت .. افضل وراها صدقنى ..
لو
قالتلك سيبنى هى عايزاك تتكلم وتكمل وتتحايل عليها اكتر علشان تحس انك
خايف على زعلها وافضل ابعتلها فى مسجات تقولها انك كنت متقصدش وانك بتحبها
وخليك وراها ..
لكن لو مش انت اللى غلطان اتقل شوية .. بس متتقلش
اوى يعنى ..اخرك يوم واقل كمان علشان هى ممكن تفتكرك ما صدقت .. مع ان انا
عارف انك ما هتصدق
تاسع حاجة .. حاول تخلى لحظاتك معاها
رومانسة باى طريقة .. يعنى تديها ورده .. تقطع صابع من صوابعك مثلا ..
بحجة ان الاحمر لون رومنسى ..
تعمل اى حاجة .. بس تخلى مقابلتك معاها مش تتنسى
عاشر حاجة .. افضل وراها لغاية ماتقلك .. بحبك لو مكنتش بتقلهالك كتير .. بس مش تكتر اوى ..
علشان البنات بيتكسفوا من الكلمة دى موووووووت ..
وعشان متقلش عليك ممل برضه .. يعنى من الاخر مرة قفل وقلها انا عايز اسمعها منك
وتعالى يوم عيد ميلادها الساعة 12 ودقيقة وابعتلها مسج تقولها كل سنة وانتى طيبة .. طبعا هى هتنفضلك .. لانها هتكون نايمة
اخر حاجة بقى ..وانت بتكلمها فى مرة قلها عايز اسمعك حاجة وشغلها اغنية وقولها دى بتعبر عن اللى جوايا
واطلب منها انها هى كمان تسمعك اغنية توصف اللى هى حاسة بيه من ناحيتك هى كمان ..
وبرضه فى الحالة دى هتنفضلك ... لانك قديييييييييييييييييم
بالطريقة دى يا معلم البت هتموت فيك ..وفى الهوا اللى بتتنفسه .. وفى التراب اللى بتمشى عليه
المره ديه بقى
لو محدش بعت ارقام التليفونات
هخليكو تغرقو بجد بقى
عاكستو وظبطو جدعان بقى حد فيكو يبقى
يعرف يخلع منها من غير الدرس اللى جاى ههههههه
دخول 
اتمنى ترجع لنا تانى وتنورنا يا محمد