كلنا بنسمع كلمه off line دي كتير بنسمعها على النت خصوصا
لكن انا انهارده هتكلم عليها بشكل تاني خالص
هنتكلم عليها على الشباب
شبابنا دلوقتي بقا off line في كل حاجه
عارفين يعني ايه off line يعني سلبي
بقينا شباب سلبي كل حاجه بنعملها سلبيه off line يعني
في دراستنا off line
بنذاكر عشان ننجح وبس وبعد الامتحان كله بيتبخر
مش بنذاكر عشان معلومه وحاجه تفدنا
دا ان ذاكرنا اساسا كله يقولك ياعم سيبك سيبك مذاكره ايه
هبقى اظبط المراقب!!!!!
تظبط المراقب طب وليه متذكرش زي البني ادمين ؟؟
وتبقالك حاجه في حياتك ليه باصص للنهارده وبس ليه مبتعملش حساب بكره ؟؟؟
ادي شبابنا off line في الدراسه
كمان شبابنا بقى off line في حياته الاجتماعيه كمان
بقى انطوائي وسلبي كل همه نفسه وبس عنده شعار انا ثم انا ثم انا ثم انا
عايش في أمئم لوحده مش عايز حد يخرجه منه
حياته نت و سينما ومتش كوره في استاد
طب فين يا جماعه فين المكتبه وفين المسجد؟؟
وفين الزيارات العائليه اللي بتقرب الاهل والناس من بعضها؟؟
فين يا شبابنا الحاجات دي من 24 ساعه اللي في يومكم؟؟
بقا off line حتى في بر والديه
فين طاعه زمان فين احترام وتوقير الوالدين زي زمان
دلوقتي بدل دول بقا فيه اووووووف وشخط ونطر دا غير دار المسنين اللي بقت مليانه اهالي
ليه بقينا كدا يا جماعه راح فين الاحترام
دول اهلينا اللي ربنا وصانا عليهم في كتابه العزيز
ليه بقينا نشوفهم بالصدفه في البيت
طبعا بالصدفه مانت طول اليوم في اوضتك وقافل على نفسك لاما نايم لاما داخل على النت
او بتسمع مزيكا في اوضتك
ليه يا شباب غيرنا نفسنا كدا؟؟
يا خساره
شبابنا بقا off line حتى مع ربنا
لا صلاه ولا دعاء بعدنا اووووي يا شباب عن ربنا
تفتكر ربنا راضي عنك وانت بعيد كدا عنه؟؟
تفتكر ربنا هيفتكرك من عباده ويوفقك في حياتك؟؟
وانت بتفتكره كل شهرين مره ولا مرتين؟؟
هتقولي دا ربنا غفور رحيم !!
هقولك غفور رحيم مع عباده الصادقين
لكن تفتكر انك كدا من عباده الصادقين
تفتكر انك اساسا من عباده انت يادوم موحد ليه وبس
ليه بقنا كدا يا شباب؟؟
حتى اللي بنسمع انه بيصلي ومش بيسيب فرض
تلاقيه يخلص الصلاه في اقل من دقيقه فوريره
ياسلام على الايمان
ليه يا شباب بقينا off line في كل حاجه؟؟
طب هنفضل لغايه امته off line ؟؟
طب امتى هنبقا on line مره في حيانتا؟؟؟
احنا محتاجين واقفه جامده مع نفسنا يا شباب
هنعمل الوقفه دي امته؟؟؟ لما نلاقي نفسنا ضعنا خالص ولا ايه
يالا يا شباب نعمل حاجه متقفش كدا وتربع ايدك
اعمل حاجه ابدء مع نفسك
غير نفسك مش بقولك تغير الكون ولا البشريه
لاء غير نفسك انت وبس
قرب من ربنا انت محتجله اوووووووووووي
فضفضله هتستريح والله
بتعاند نفسك ليه
سيبك من الموضه والكلام الفاضي قرب لاسرتك لولدك ولولدتك محتجنلك
بلاش تعاند نفسك
يالا يا شباب نعمل حاجه بلاش نبقا off line خلينا مره في حياتنا نبئا on line
يالا نمسح كلمه off line دي ملهاش مكان في حياتنا
يالا نعمل حاجه!!!!!!!!!!!!
تحيـــاااتي
دخول 
