وم الإمتحان دائماً المرء مهان
امتحان اللغه العربية ثانوية عامة
____________
السؤال الأول: التعبير
____________
اكتب ما لايقل عن 650 سطر فى أحد الموضوعات التالية
لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش
.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة
أكتبلي موضوع تعبير عن أغنية باللغة العربية الفصحي ( فيلم محمد هنيدي الجديد ) مع ذكر عدد
هزات الوسط لليمين والشمال من المغنية المدافعة عن اللغة العربية
( بس بأسلوبها الخاص طبعا )
شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى
6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز
بعد انتشار ظاهرة أكل لحم الكلاب والحمير..من وجهة نظرك كمواطن تكلم عن هذه الظاهرة
ومن المتسبب فيها بدون غلط..الورق متراقب
__________
السؤال الثانى: القصة
__________
من قصة ' وعهد الله ما انت داخل الانتخابات' .. اقرأ القطعة وأجب عن الآتى
ثم أتى إليه وضربه بالجزمة وقال: انت عايز تترشح فى الانتخابات يامعفن؟؟
دانت عايز معجزة..مش كفاية بتاكلوا لحمة ومستورين.. عايزين إيه تانى؟
ما هى اللحمة؟ أو على الأقل حدد أقرب معنى خيالى لها
مرادف معجزة فى اللغة ( تغيير وزارى – زيادة المرتبات – رغيف العيش) اختر يا قليل البخت
لماذا ضربه الرجل بالجزمة وليس بالعصى مثلا؟؟
أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية
– عشان العصاية شغالة مع واحد
تانى.. افهم انت بقى اختر
حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا
__________
السؤال الثالث القراءة
_________
من موضوع ( الزعيم..والفنان.. والقدوة) اقرأ القطعة وأجب
وقد نفى الزعيم عادل إمام الإشاعات التى أكدت أنه مرشح لوزارة الثقافة..
وأكد أنه فنان فقط وليس سياسيا الخبر حقيقى كما أنه
يرحب بالتوريث ومقتنع بكل سياسات الحكومة .
فى رأيك هل يصلح عادل إمام لوزارة الثقافة أم لوزارة الصناعة باعتبار أنه صرح فى فيلم
السفارة فى العمارة أنه بيحب المَكَن (طبعا انتوا فاهمين يعنى ايه مكنه )؟؟
ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم
المحروم تبقى البوسة بكام فى الفيلم؟؟
دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما
السبب فى دخوله؟
أكيد معزوم – طبيعى معزوم – وربنا معزوم.. اختر على أن تضع إيدك على المصحف
وانت بتحلف للمراقب بتاع اللجنة
__________
السؤال الرابع النصوص
__________
أجب عن أحد النصين الآتيين :
من نص ( ماشربتش من نيلها)..اقرأ ثم أجب
ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها
بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..
ما المقصود ( بنيلها ) فى النص؟
المسيسبى - الأمازون – يونج يانج
هذا النص من ( نصوص الحزب الوطنى ) والدليل وجود اسم مهم من قيادات الحزب فى النص
.استخرج الاسم..وبوسه من بُقـُّه ورجَّعُه مكانه .
أكمل الأبيات إلى آخر كحكة فى الكليب ...؟
قوبل النص بانتقادات بسبب بعده عن الواقع..وضح من النص ما يتفق مع القول المأثور
اطبخى ياجارية .. كلف يا سيدى
_______________
من نص (حين ميسرة)..أجب عن الآتى
_______________
اذكر اسم مصيبة واحدة محصلتش فى النص الأسود ده ؟؟
.............
وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام
أزرار الأرقام فقط ومفيش حروف.. ويعطى أمر
التنفيذ بزرار قايمة ستارت مش بإنتر.كمبيوتر إرهابى بقى
يمكنك التأكد بمشاهدة المقطع من الفيلم ..
سبب وجود الشرطة كل خمس دقائق فى النص ؟
موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه –
عشان الشرطة بتراقب قسم البوليس اللى جنب
___________
السؤال الخامس النحو
___________
أعرب ما تحته خط.. لو مالقيتش القطعة أصلا ..اتصرف ؟؟
ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا يا كلب
...........
كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده
...........
فُرِضت الضرائب علينا ببشاعة ..أعرب الجملة .. وارفع الضرائب أبوس إيدك
بالتوفيق واعرف ان امن الدوله مستنى على الباب
امتحان السفارة المصرية للحصول علي الجنسية
صباح الفل حبايبي الأعزاء
يشترط لدخول الامتحان ان المتقدم يكون معاه كل أدواته اللازمة : قلم رصاص – أستيكة
(تحسباً للأخطاء الكتيرة) - اثبات شخصيتك
(تذكرة اوتوبيس – مفتاح الشقة – كارت تليفون مينا تل – عملة مصرية - أي حاجة)
في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها
(ما هي مش فارقة هتسقط حتسقط )
__________
السؤال الأول:اختار من بين الأقواس الكلام الصح:
__________
حنان ترك اتحجبت يعني............ (لبست جزمة - لبست ساعة - لبست ايشارب)
اللي بنى هرم خوفو............ .(طلعت مصطفى - المقاولون العرب - مقاول أنفار - خوفو)
اللي بنى..بنى مصر كان في الأصل......(حلاق - نجار - تاجر مخدرات - حلواني)
البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..
صباح الخير ............ (يا ماما - يا بابا - يا خالو - ياريس - يا مصر)
مصر هى أمي نيلها جوا...........(عبي - بطني - رجلي - جيبي - دمي)
رئيس مصر القادم السيد......(جمال مبارك - جمال مبارك – جمال مبارك - كل ما سبق)
ابو تريكة هو ....(مدرس - تاجر شكاير اسمنت فاضية - لاعب كرة - تاجر مواشي)
يا حضرة العمدة ابنك حميدة حدفني بالـ .... (معدية - السفندية - المية المعدنية - المهلبية)
اشهر مغني مصري هو عبدالحليم .... (دياب - حافظ - سموزين - فؤش)
_________
السؤال الثاني:أكمل الجمل الآتية بكلام م الآخر:
_________
انتبه من فضلك السيارة ترجع إلى............ ......... ...
ماما زمنها............ ......
من خلال تجاربك السابقة...البامبرز استيك منه............ .
طلعت أدّب نزلت أدّب لقيت الدب بيأزز............
اسم والد اللاعب وائل جمعة الحاج............ ..
وهيلا هيلا ، هيلا هيلا هو ، الزمالك ........
دا شاب كيكي ، بيروح و ......
_________
السؤال الثالث:ضع علامة صح أو علامة غلط أمام الكلام الجاي:
_________
بابا فين؟؟ ..بابا هنا..قوله مين؟؟ قوله عمو ( )
الشرطة دائما في خدمة الشعب ( )
أذان المغرب في رمضان بصوت 'طارق نور' ( )
شاي الجوهرة حتة سكرة ( )
ميلودي تتحدى الملل فعلا ( )
__________
السؤال الرابع : التعبير الحر
__________
اكتب فيما لا يزيد عن 3 سطور تعليق على اخر ماتش للاهلي و الزمالك
__________
السؤال الخامس : علل
__________
مازالت كرة القدم هي اللعبة الشعبية الاولى برغم ان احنا ملناش فيها ؟
ذكاء الشعب المصري الخارق برغم من اعتماده على الفول كغذاء اساسي ؟
وجود السحابة السوداء برغم ازالة جميع اكشاك البطاطا المتحركة ؟
مع اطيب تمنياتى بالنجاح الباهر
دخول 
