فلتمت ايها الوغد

Member سجل فى : 01/12/2008 المساهمات : 8261 التقييم : 21

الكبت النفسى ... الملل ... الزهق

والفراغ وضيف بقى كل مصطلحات الشباب

حياتنا مجرد تمثيلية زى افلام الكاو بوى بالظبط مع اختلاف النهايه

انت وواحد تانى بتتخانقوا

وكل واحد فرغ فى التانى 20 طلقة من مسدس بيشيل 6 طلقات بس

ورشق مطوتين فى قلب التانى بعد ماورم وشه بونيات وشلاليت

وبدون مقدمات واحد يطلع خنجر من كعب جزمته وياخد التانى سوبليكس

وبوم سلام (( على رأى ممدوح فرج )) ويرفع ايده لفــوق

استعدادا للطعنة القاتله

هنا عندنا نهايتين

الاولى فى افلام الكاو بوى هيقوم اخينا

غارز الخنجر لاخره فى صدر حبيبنا التانى

ويلف وشه وياخد نفس من السيجاره ويقول

بلهجة امريكانى (( مت ايها الوغد)) وينفخ فى وشه الدخان

ويقوم بعد مااطمئن ان صاحبة بقى جثه ..

يقوم اللئيم التانى اللى خدعنا بأنه ميت

قايم ومطلع الخنجر من جنبه .. مع انه اترشقفى صدره .. ويقول

بلهجة امريكانى برضه

(( ليس قبل ان ارسل روحك للجحيم )) .

ويدبحه بنفس الخنجر

أما النهاية التانيه بتاعت الشباب المصرى

فبعد السوبليكس والبوم سلام وزود الدى دى تى عشان الاكشن

وبعد مابيكون الخنجر قاب قوسين او ادنى من صدر التانى

يقوم اللى ماسك الخنجر راميه وقايم ويقول للتانى

موت بالأمطه .. يعنى موت من غيظك

ويروح يكلم صاحب المحل

عشان يدفع تمن كباية الشاى اللى وقعت .. ويمشى

وساعات مثلا تقابل واحد صاحبك طالع من اى ركن كده

وبيعدل بنطلونه فى سعاده غامره

وتسأله كنت فين يقولك اسكت ده انا كنت مكبوت ..

وارتحت لما لبيت نداء الطبيعه

وتقوله باستغراب قوى فى الشارع يامعفن .؟؟؟

يقولك كنت مكبـوت وهموت

هاخد بالى بقى من المظهر الحضارى ..

ولا اخاف على نفسى لما تبقى الفضيحة بجلاجل.؟؟

ومش بس الكبت بيقف عند كده .. حبيبى قرب بص وبص بص

كليب لنانسى شغال .. وواحد ومراته قاعدين ..

بمنتهى زهق العالم

قومى يا بومة اعملى كباية شاى .. ترد مراته تقوله

بوما ولا اديداس ياشايب عايب يااقرع ..

خليك اتفرج على نانسى

وتقوم وهى بتبرطم .. ويصحاب برطمتها برطمه لجوزها وهو

بيكيلها من كل انواع الشتيمه والسباب

ويقول جاتنا نيلة فى حظنا الهباب

ويمتد الكبت النفسى من المحيط الأسرى

للمحيط المجتمعى بمداه المفتوح والمغلق برضه

البطالة .. الصداع المزمن واللى مش هينتهى فى رأس الشباب

وكبت الاحساس بالمستقبل المظلم ..

ويكفى نظرة راجل عجوز لأى طالب جامعه

بيقول ياه شباب زى الورد .. ومستقبل زى الزفت

اى شاب خريج دلوقتى مش بيفكر غير ازاى يسافر عشان يشتغل

وطالب الجامعه بيتمنى انه ميتخرجش

ومن انواع الكبت الاخرى فى المجتمع كبت الاسعار

هات اى موظف وهو فى السوبر ماركت بيشترى قزازة زيت

وهو متعود مثلا يشتريها بسعر معين ..

وفجأة الكاشير بمنتهى الرقه يقوله

يافنتم حدرتك الزيت غلى 15% بناء على تعليمات الموردين

وصحابنا الموظف يكتم فى نفسه ياعينى

ويطلع الفلوس يديها ليه

لكن وقفة كده مع النفخة المقهورة دى

هو النهارده نفخ .. وبكره هينفخ ..

لكن بعد كده ممكن يعمل ايه .؟؟؟

تعالى نتخيل الموقف تانى

واللى زيه كتير واللى اقل من أكتر بكتير

لان فى ناس فى مصر مبتقدرش تشترى قزازة زيت

ولا الهانم الجولد وهلا هلا زيت والكلام الفاضى ده كله ..

حياتنا بقت مطحنه

واحنا فى وسطها .. لاقادرين نطلع

ولا هنقدر نكمل دوران معاها

بس بنكبت فى نفسنا وبنسكت .. لكن كتر الضغط اكيد

هيولد انفجار .. وهيكون عنيف

فى آيه بتقول وياريت حفظى يسعفنى

(( اذا اردنا ان نهلك قرية أمرنا مترفيها ففسقوا فيها ))

وزى ماقلت الضغط ممكن فى اى لحظه .. يولد انفجار شرس جدا

وفى النهايه دى مجرد فكره ..

وطقت فى دماغى

منقول للافادة

موضوع رائع
يسلمو

يسلمو يا اشرف ع المرور

منتظر ردود

» ايها الاخ الفاشل ..... ايها الاخت الفاشلة ..... ارجو منكم الدخول
» اني حامل منك ايها الحبيب
» ايها الحزن الم تشبع؟
» كيف تعرف ايها الرجل ان المراة معجبة بك؟؟؟؟؟؟؟؟
» اشكو اليك ايها البحر .... خاطرة بصوتى

فلتمت ايها الوغد

فلتمت ايها الوغد :: تعاليق

فلتمت ايها الوغد

مواضيع مماثلة

مواضيع مماثلة